Kibali cha Ujenzi

Zifuatazo ni hatua za kufuata ili upate kibali cha ujenzi:-

1. Lipia shilingi 10,000 kwa ajili ya kununua fomu ya kibali cha ujenzi.
2. Jaza fomu vizuri na kuiwasilisha katika Ofisi ya Mkurugenzi Mtendaji wa Wilaya 
3. Kwa niaba ya Mkurugenzi Mtendaji,Ofisi ya Ujenzi kwa kushirikiana na Afisa Ardhi wa Wilaya wataihakiki fomu yako ili kujiridhisha na uhalali wa umiliki pamoja na makadirio ya gharama ya ujenzi.
4. Baadae mhusika atajulishwa ni kiasi gani cha fedha atakachotakiwa kukilipa kulingana na ukubwa wa kiwanja au jengo..
5. Mmiliki wa kiwanja anatakiwa kuleta stakabadhi ya malipo toka benki katika ofisi ya ardhi ili kujiridhisha na kuweka kumbukumbu sawa na kisha kuiwasilisha tena katika ofisi ya uhasibu ya Halmashauri.
6. Mwisho mmiliki atafunguliwa jarada kwa ajili ya kumbukumbu na hatua nyingine za kiofisi.